নিউজডেক্স,২৬ এপ্ৰিল,২০২৫ : সন্ত্ৰাসবাদীয়ে সৃষ্টি কৰা আতঙ্কময় পৰিবেশ তথা দেশৰ এই দুৰ্দিনৰ সময়ত টি আৰ পিৰ পিছত অন্ধভাবে দৌৰি , নিজৰ দায়বদ্ধতা আৰু নৈতিকতা বিসৰ্জন দি বৰ্তমান দেশৰ শত্ৰু পক্ষকহে যেন সহায় কৰাৰ কামত আওপকীয়াকৈ নামি পৰিছে আমাৰ বহু সংবাদ মাধ্যম৷ সেইবাবেই তথ্য আৰু সম্প্ৰচাৰ মন্ত্ৰালয়ে ৰাষ্ট্ৰীয় নিৰাপত্তাৰ স্বাৰ্থত প্ৰতিৰক্ষা অভিযান আৰু নিৰাপত্তাৰক্ষীৰ চলাচলৰ লাইভ কভাৰেজ প্ৰদৰ্শনৰ পৰা বিৰত থাকিবলৈ সকলো সংবাদ মাধ্যমক আহ্বান জনাব লগা হৈছে।
দেশৰ সংবাদ মাধ্যমলৈ তথ্য আৰু সম্প্ৰচাৰ মন্ত্ৰালয়ৰ গুৰুত্বপূৰ্ণ নিৰ্দেশনা :-
— প্ৰতিৰক্ষা অভিযান সম্পৰ্কীয় দৃশ্য পোনপটীয়াকৈ সম্প্ৰচাৰৰ ক্ষেত্ৰত বাধা,
— সামাজিক মাধ্যম ব্যৱহাৰৰ ক্ষেত্ৰত সচেতন হোৱাৰ নিৰ্দেশ,
— পূৰ্বৰ সন্ত্ৰাসবাদী কাৰ্যকলাপৰ বাতৰি পৰিবেশনত সজাগ-সচেতন হোৱাৰ নিৰ্দেশ,
— “বিশেষ সূত্ৰ”ৰ বাতৰি পৰিবেশনতো সতৰ্ক হোৱাৰ নিৰ্দেশ,
—সেনা আৰু নিৰাপত্তা বাহিনীৰ সুৰক্ষা নিশ্চিত কৰাৰ আহ্বান
সকলো টি ভি চেনেলক কেৱল টি ভি নেটৱৰ্ক আইন ২০২১ মানি চলিবৰ বাবে আহ্বান৷
