শিমলুগুৰিত দিখৌ নৈৰ ব্যাপক গৰাখহনীয়া

নিউজডেক্স , ২৫ আগষ্ট,২০২৫ : নাজিৰাৰ  শিমলুগুৰিত  দিখৌ নৈয়ে ব্যাপক গৰাখহনীয়াৰ সৃষ্টি কৰিছে৷।  এই খহনীয়াই  ভাবুকিৰ সৃষ্টি কৰিছে শিমলুগুৰি নগৰৰ লগতে ইয়াৰ উপকণ্ঠীয়  অঞ্চল সমূহলৈ৷  শিমলুগুৰিৰ নগৰৰ মাজতে থকা বুধবৰীয়া বজাৰৰ লগতে তেতেলিগুৰিতো দিখৌৰ ক্ৰমবৰ্দ্ধিত খহনীয়াই এই অঞ্চলৰ প্ৰতি ভাবুকি সৃষ্টি কৰিছে৷ অপৰিকল্পিতভাৱে কিছুদিনৰ আগতে নিৰ্মাণ কৰা তেতেলিগুৰিৰ পৰা মাষ্টৰচুক সংযোগী মথাউৰি তথা পথটোৰ বহু অংশ নিম্নমানৰ কামৰ বাবেই দিখৌ নৈৰ বুকুত বিলীন হোৱাত উক্ত অঞ্চলৰ ৰাইজ যাতায়তৰ ক্ষেত্ৰত বহু অসুবিধাৰ সন্মুখীন হৈছে৷ ৰাজ্যৰ বিয়াগোম জলসম্পদ  বিভাগে এই গৰাখহনীয়া ৰোধৰ বাবে বিশেষ ব্যৱস্থা এতিয়ালৈকে গ্ৰহণ নকৰাত ৰাইজ শঙ্কিত আৰু ক্ষোধিত হৈ পৰিছে৷