নিউজডেক্স,১২ মাৰ্চ,২০২৪ : আজি নাজিৰাৰ ছানবছাত গাহৰি সংসাধন প্ৰকল্পৰ উদ্বোধন কৰাৰ পিছত মুখ্যমন্ত্ৰী ড° হিমন্ত বিশ্ব শৰ্মাই সংবাদ মাধ্যমৰ আগত “কা” আইনৰ সন্দৰ্ভত কয় যে অসমত “কা” ৰ সমৰ্থনকাৰী লোক যিদৰে আছে সেইদৰে বিৰোধীও আছে আৰু দুয়োপক্ষৰ নিজা যুক্তি আৰু অভিমত আছে । আঢ়ৈ বছৰৰ পূৰ্বে সংসদত গৃহীত “কা” ৰ বিৰুদ্ধে আদালতত সকলোৱেই গোচৰ তৰিব পাৰে । ইতিমধ্যে আদালতেই পূৰ্বৰ “আইএমডিটি” আইন বাতিল কৰি গৈছে। ইয়াৰ পাচত শান্তিপূৰ্ণ ৰাজ্যখনত শান্তি সম্প্ৰীতি সকলোৱে বৰ্তাই ৰাখিব লাগিব বুলি মুখ্যমন্ত্ৰী জনে আশা প্ৰকাশ কৰে ।
