“চৰকাৰী শিক্ষানুষ্ঠানৰ প্ৰতি জনসাধাৰণৰ আস্থা হ্ৰাস পাইছে”—হাইদৰ হুছেইন

নিউজডেক্স,৪এপ্ৰিল,২০২৪: নিউজহাণ্ট এন ইৰ সৈতে হোৱা এক আছুতীয়া সাক্ষাৎকাৰত বিশিষ্ট সাংবাদিক হাইদৰ হুছেইনে কয় যে আজিকালি বিভিন্ন কাৰণত চৰকাৰৰ দ্বাৰা পৰিচালিত শিক্ষানুষ্ঠানৰ প্ৰতি ৰাইজৰ আস্থা কমিছে৷ এতিয়া উচ্চ হাৰৰ নম্বৰৰ  ভিত্তিত মেধাৱী লোকক শিক্ষক ৰূপে নিয়োগ কৰা হয় যদিও দায়বদ্ধতাৰ অভাৱৰ বাবে সেই অনুপাতে শিক্ষানুষ্ঠান সমূহৰ ফলাফল ভাল নহয়৷ গুণগত অৱক্ষয়ৰ বাবেই এতিয়া বেছিভাগ শিক্ষক-অধ্যাপকে নিজৰ ল’ৰা ছোৱালীক তেখেতে নিজে কাম কৰা শিক্ষানুষ্ঠান খনত পঢ়োৱাব নিবিচাৰে ৷আনহাতে সপোন দেখুওৱাৰ ক্ষেত্ৰত আমাৰ সমাজখন নিৰ্লিপ্ত আৰু দায়িত্বহীন হোৱা পৰিলক্ষিত হৈছে৷কেৱল শ্ল’গানৰ দ্বাৰা জাতি ৰক্ষা কৰিব নোৱাৰি৷ সততাৰ দ্বাৰা ত্যাগৰ মনোবৃত্তিৰে সমাজখনৰ জটিল জনবিন্যাসক একত্ৰিত কৰি এখন সমৃদ্ধ অসম গঢ়াৰ কাৰণে আমি সকলো যদি তৎপৰ হওঁ তেতিয়াহে ৰাজ্যখনৰ জটিল সমস্যাবোৰ সমাধান হ’ব বুলি কয় বৰ্ষীয়ান সাংবাদিক গৰাকীয়ে ৷