নাজিৰাত বৰ্ণাঢ্য কাৰ্যসূচীৰে সংবাদ সাহিত্য সাংস্কৃতিক মঞ্চৰ অষ্টাদশ প্ৰতিষ্ঠা দিৱসৰ আয়োজন

নিউজডেক্স,২৩এপ্ৰিল,২০২৪ :আজি নাজিৰাৰ জ্যেষ্ঠ নাগৰিক সন্মিলনৰ কাৰ্যালয়ত দিনযোৰা কাৰ্যসূচীৰে সংবাদ সাহিত্য সাংস্কৃতিক মঞ্চৰ অষ্টাদশ প্ৰতিষ্ঠা দিৱসৰ আয়োজন কৰা হয়৷ পুৱা পতাকা উত্তোলন আৰু স্মৃতি তৰ্পণৰ পিছতে মঞ্চৰ দ্বাৰা আয়োজিত গল্প,কবিতা আৰু প্ৰবন্ধ প্ৰতিযোগিতাৰ বিজয়ী সকলক পুৰস্কাৰ বিতৰণ কৰাৰ লগতে গীত পৰিবেশনৰে অনুষ্ঠানটো জীপাল কৰি তোলা হয়৷ উল্লেখ্য যে নাজিৰাৰ প্ৰবীন শিক্ষাবিদ তথা সাংবাদিক বীৰেন শৰ্মাৰ নেতৃত্বত আৰু কিছুসংখ্যক বিদ্যান লোকৰ প্ৰচেষ্টাত ২০০৬ চনত প্ৰতিষ্ঠা হোৱা সংবাদ সাহিত্য সাংস্কৃতিক মঞ্চ চমুকৈ ত্ৰিমঞ্চৰ এই প্ৰতিষ্ঠা দিৱসত অৱসৰী উপাধ্যক্ষ প্ৰভাত বৰঠাকুৰ,অৱসৰী অধ্যাপক তথা প্ৰৱন্ধাকাৰ উমা কোঁৱৰ,নাজিৰা—শিমলুগুৰি উন্নয়ন পৰিষদৰ অধ্যক্ষ অজয়লাল বৰুৱাকে ধৰি বহু গণ্য মান্য লোক উপস্থিত থাকে৷