নিউজডেক্স,১৫ জুলাই,২০২৫:আজি পুৱতি নিশা প্ৰায় ৪ বজাত চণ্টক বৰ মিছিং গাঁওত মণিকা মাৰাং নামৰ মহিলাগৰাকীৰ বাসগৃহত জুই লগাৰ ফলত সমগ্ৰ ঘৰটো জুইত জাহ যায়৷ উল্ল্যখ্য যে সেই সময়ত মণিকা মাৰং আৰু তেওঁৰ জীয়ৰী ঘৰটোৰ ভিতৰতে শুই আছিল যদিও দৈব্যক্ৰমে তেওঁলোক ৰক্ষা পৰে৷অগ্নিকাণ্ডৰ ফলত ঘৰটোৰ লগতে ইয়াত থকা সকলো বয় বস্তু ভস্মীভূত হয় যদিও কোনো লোক হতাহত হোৱা নাই৷ পৰিয়ালটোৱে নিশা চৌকাত জুই জ্বলাই ভালকৈ নুনুমোৱাৰ ফলতেই এই অগ্নিকাণ্ড সংঘটিত হোৱাৰ সন্দেহ কৰা হৈছে ৷ আনহাতে ঘৰ জ্বলি শেষ হোৱাৰ পাছতহে উক্ত স্থানত ফায়াৰব্ৰিগেদ গৈ পাইছিল বুলি স্থানীয় ৰাইজে অভিযোগ কৰিছে৷
