নিউজডেক্স,১৫জুলাই,২০২৫: ম্যানমাৰত থকা আলফা স্বাধীনৰ চলমান শিবিৰত ভাৰতীয় সেনাই দ্ৰোণ,মিছাইল আক্ৰমণ কৰাত চৰাইদেউৰ প্ৰদীপ অসম আৰু গণেশ অসম নিহত হোৱা বুলি প্ৰচাৰ হোৱাৰ পাছত শেহতীয়াকৈ কালি আলফাৰ ফালৰ পৰা প্ৰদীপ অসম জীৱিত অৱস্থাত উদ্ধাৰ হোৱা বুলি প্ৰকাশ কৰাৰ পাছতেই যেন সাময়িক সকাহ পাই স্বস্তিৰ নিশ্বাস এৰিছে প্ৰদীপ অসমৰ পৰিয়ালে।চৰাইদেউ জিলাৰ সোণাৰি থানাৰ অন্তৰ্গত হাওঁফাওঁ গাঁৱত থকা প্ৰদীপ অসমৰ পৰিয়ালৰ হৈ তেওঁৰ কণিষ্ঠ ভ্ৰাতৃয়ে প্ৰদীপ অসমক শীঘ্ৰেই পৰিয়ালৰ মাজলৈ ঘূৰি আহিবলৈ আহ্বান জনাইছে৷
