নিউজডেক্স ২০ চেপ্তেম্বৰ,২০২৫ :
দৰদী শিল্পী জুবিন গাৰ্গক হেৰুৱাৰ বেদনাত নাজিৰাত আজি স্বত: স্ফূত ভাবে সকলো ব্যৱসায় প্ৰতিষ্ঠান বন্ধ ৰখাৰ লগতে সন্ধিয়া নাজিৰা নগৰৰ বিভিন্ন স্থানৰ লগতে নাজিৰা দৈনিক বজাৰৰ সন্মুখত বীৰ লাচিত সেনৰ লগতে নাজিৰা সাংবাদিক মঞ্চ , টাইপা, অসমীয়া যুৱ মঞ্চ আৰু স্থানীয় ৰাইজৰ সহযোগত এক শ্ৰদ্ধাঞ্জলি অনুষ্ঠানৰ আয়োজন কৰা হয়৷ জুবিন ফেন ক্লাৱ আৰু স্থানীয় ৰাইজে মবাইল টৰ্চ জ্বলাই নাজিৰাত এক শান্তি সমদলো বাহিৰ কৰে৷
জুবিন গাৰ্গৰ মৃত্যুৰ উচিত তদন্ত বিচাৰি শ্যামকানু মহন্তৰ বিৰুদ্ধে নামতিৰ প্ৰভাকৰ ফুকনৰ শিৱসাগৰৰ আৰক্ষী অধীক্ষকক এজাহাৰ
জনপ্ৰিয় কণ্ঠ শিল্পী জুবিন গাৰ্গৰ মৃত্যুৰ উচিত তদন্ত বিচাৰি নামতিৰ প্ৰভাকৰ ফুকনৰ শিৱসাগৰ আৰক্ষী অধীক্ষকক নামতি আৰক্ষী থানাৰ ভাৰপ্ৰাপ্ত বিষয়াৰ যোগেদি এজাহাৰ দাখিল৷ শাৰীৰিক ভাৱে অসুস্থ জুবিন গাৰ্গে নৰ্থ ইষ্ট ফেষ্টিভেলত অংশ গ্ৰহণ কৰিবলৈ গৈ সাগৰত সাতুৰি থকা অৱ্স্থাত মৃত্যু হোৱা ঘটনা সহজ ভাৱে লব নোৱাৰি বুলি এজাহাৰখনত উল্লেখ কৰি গভীৰ ষড়যন্ত্ৰৰ বলি হোৱাৰ কথা সন্দেহ কৰি ‘নিৰাপদ দূৰত্বত অৱস্থান কৰি থকা নৰ্থ ইষ্ট ফেষ্টিভেলৰ আয়োজক সমিতিৰ বিষয়ববীয়া শ্যামকানু মহন্তৰ ওপৰত বিহিত ব্যৱস্থা গ্ৰহণ কৰিবলৈ আবেদন জনাইছে৷
