সদৌ তাই আহোম ছাত্ৰ সন্থা নাজিৰা মহকুমা সমিতিৰ কাৰ্যালয়ত আয়োজিত মে-ডাম-মেফি অনুষ্ঠানত উপস্থিত অসম চৰকাৰৰ মন্ত্ৰী অশোক সিংহল।

নিউজ ডেক্স,৩১জানুৱাৰী ২০২৩ :আজি পবিত্ৰ মে-ডাম-মে ফি । আহোম সম্প্ৰদায়ৰ উপৰিপুৰুষ পুলিন পুঠাও সকলক স্মৰণ কৰাৰ এক পবিত্ৰ দিন ।ৰাজ্যৰ ভিন্ন প্ৰান্তৰৰ দৰে সদৌ তাই আহোম ছাত্ৰ সন্থা নাজিৰা মহকুমা সমিতিৰ উদ্যোগত আটাছুৰ নাজিৰা মহকুমা সমিতিৰ কাৰ্য্যালয়ত বৰ্ণাঢ্য কাৰ্যসূচীৰে পালন কৰা হয় মে-ডাম-মেফি।অনুষ্ঠানত উপস্থিত থাকে অসম চৰকাৰৰ মন্ত্ৰী অশোক সিংহল। মন্ত্ৰী অশোক সিংহলে চ্যাওলুং চ্যুকাফাৰ প্ৰতিমূৰ্তিত মাল্যাপৰ্ণ কৰাৰ লগতে তাই আহোমৰ ৰীতি-নীতেৰে অনুস্থিত ডামফি পূজাত ভাগ লয় আৰু অসম তথা অসমীয়া জাতি গঠনত  আহোম স্বৰ্গদেউ সকলৰ অমূল্য অৱদানক স্মৰণ কৰি সেৱা জনাই কৃতজ্ঞতা জ্ঞাপন কৰে  । এই মে-ডাম-মেফি অনুষ্ঠানত স্বদেশ ,স্বজাতি কুশলে থাকিবলৈ তেঁওলোকৰ উপৰিপুৰুষৰ লগতে প্ৰকৃতিৰ শক্তি , সৃষ্টি কৰ্তা ,নদ-নদী ,পাহাৰ ভৈয়াম ,বিদ্যাৰ অধিকাৰী জাচিংফাৰ লগতে অপশক্তি আঁতৰিবলৈ অৰ্পণ কৰা হয় বিভিন্ন ধৰণৰ

নৈবেদ্য৷