ভয়ংকৰ প্ৰদূষণে ছানি ধৰিছে সমগ্ৰ অসম : বাঢ়িছে শ্বাস-প্ৰশ্বাসজনিত ৰোগ

নিউজ ডেক্স, ৭ ফ্ৰেব্ৰুৱাৰী ২০২৩ : দীৰ্ঘদিন ধৰি বৰষুণৰ অভাবত সমগ্ৰ অসমত বৃদ্ধি পাইছে বায়ু প্ৰদূষণৰ মাত্ৰা ৷ ভাষমান ধূলিয়ে ক্ৰমবৰ্দ্ধিত ভাবে বায়ুমণ্ডল প্ৰদূষিত  কৰাৰ কাৰণে  ৰাজ্যত  কাহ- জ্বৰকে ধৰি  বিভিন্নধৰণৰ শ্বাস- প্ৰশ্বাসজনিত ৰোগ বৃদ্ধি হৈছে বুলি চিকিৎসা বিশেষজ্ঞ সকলে মত প্ৰকাশ কৰিছে৷ আনহাতে  গুৱাহাটীকে ধৰি ৰাজ্যৰ বিভিন্ন স্থানত বায়ুমান সূচাংকই অতিক্ৰম কৰিছে বিপদসীমাৰ মাত্ৰা ৷ অসম প্ৰদূষণ নিয়ন্ত্ৰণ পৰিষদৰ মতে বায়ু মান সূচাংক ২০০ ৰ ওপৰলৈ বেয়া বুলি ধৰা হয় ৷ বৰ্তমান  ৰাজধানী চহৰ গুৱাহাটীৰ বায়ুমান ৩৪৫ সূচাংক!  সেয়েহে  জনস্বাৰ্থৰ খাতিৰত চৰকাৰে শ্ৰীঘ্ৰেই  প্ৰদূষণ ৰোধৰ বাবে জৰুৰী পদক্ষেপ গ্ৰহণ কৰাৰ প্ৰয়োজন বুলি সচেতন ৰাইজে মত প্ৰকাশ কৰিছে ৷