নিউজ ডেক্স,২৫ ফ্ৰেব্ৰুৱাৰী,২০২৩: নাজিৰাৰ ৰহদৈ পুখুৰীৰ শিৱসাগৰ কৃৰ্ষি বিজ্ঞান কেন্দ্ৰত যোৱা ৯ফেব্ৰুৱাৰী পৰা অনুস্থিত হোৱা কৃৰ্ষি সামগ্ৰী ব্যৱসায়ীৰ প্ৰশিক্ষণ কাৰ্য্যসূচীৰ ২৪ ফ্ৰেব্ৰুৱাৰীৰ দিনা সামৰণি পৰে। শিৱসাগৰ আৰু চৰাইদেউ জিলাৰ অৰ্ধশতাধিক প্ৰশিক্ষাৰ্থীয়ে অংশগ্ৰহণ কৰা এই ১৫ দিনীয়া প্ৰশিক্ষণ কাৰ্য্যসূচীৰ অন্তত প্ৰশিক্ষাৰ্থী সকলক প্ৰমাণ পত্ৰ প্ৰদান কৰা হয় ৷ কেইবাগৰাকী কৃষি বিজ্ঞানীয়ে অংশ লোৱা এই প্ৰশিক্ষণ কাৰ্য্যসূচীৰ সামৰণি অনুষ্ঠানত উপস্থিত থাকে শিৱসাগৰ জিলা পৰিষদৰ সভাপতি ধ্ৰুৱজ্যোতি মাউৎ,চৰাইদেউ জিলা কৃষি বিষয়া ৰবীন য়েন,নাজিৰা মহকুমা কৃষি বিষয়া খিৰেশ্বৰ শইকীয়া,শিৱসাগৰ কৃষি বিজ্ঞান কেন্দ্ৰৰ জেষ্ঠ কৃষি বিজ্ঞানী ড° প্ৰদীপ সন্দিকৈ আৰু শিৱসাগৰ কৃষি বিজ্ঞান কেন্দ্ৰৰ কৃষিবিজ্ঞানী,প্ৰশিক্ষণ সমন্বয়ক ড° অৰুন্ধুতী বৰদলৈকে ধৰি আন বহু লোক ৷
