ইজৰাইল পেলেষ্টাইন যুদ্ধৰ চতুৰ্থ দিনা নিহত প্ৰায় ১,৫০০ হামাছ উগ্ৰপন্থীৰ : উত্তেজনা অব্যাহত

হামাছে ইজৰাইললৈ হাজাৰ হাজাৰ ৰকেট নিক্ষেপ কৰাৰ লগতে বিস্ফোৰক আৰু বুলডজাৰ ব্যৱহাৰ কৰি অৱৰোধ কৰা পেলেষ্টাইন এনক্লেভৰ চাৰিওফালে থকা বেৰখন ভাঙি পেলায়।মটৰবাইক, পিকআপ ট্ৰাক, মটৰচালিত গ্লাইডাৰ আৰু স্পীড ব’ট ব্যৱহাৰ কৰি উগ্ৰপন্থীয়ে ইজৰাইলত প্ৰৱেশ কৰিছিল ,য’ত আচকেলন, অফাকিম আৰু স্ডেৰ’ট আদি চহৰসমূহো অন্তৰ্ভুক্ত।গাজাৰ ওচৰৰ কিবুটজ ৰেইমৰ ওচৰত শ শ ইজৰাইলী যুৱক আৰু বিদেশী লোকে অংশগ্ৰহণ কৰা সংগীত উৎসৱতো বন্দুকধাৰীয়ে ৰক্তাক্ত আক্ৰমণ চলায়।ৰাষ্ট্ৰসংঘৰ সচিব প্ৰধান এণ্টনিঅ’ গুটেৰেছে ইজৰাইলৰ ওপৰত হামাছৰ আক্ৰমণক “কঠোৰভাৱে” গৰিহণা দি “ অধিক বহল অগ্নিকাণ্ডৰ পৰা হাত সাৰিবলৈ কূটনৈতিক প্ৰচেষ্টা” অব্যাহত ৰখাৰ আহ্বান জনায়।পশ্চিমীয়া দেশ সমূহেও হামাছক “সন্ত্ৰাসবাদী” সংগঠন বুলি অভিহিত কৰি এই আক্ৰমণক গৰিহণা দিয়ে। যোৱা সোমবাৰে ইউৰোপীয় সংঘই কয় যে তেওঁলোকে পেলেষ্টাইনীসকলক উন্নয়নমূলক সাহায্য প্ৰদান বন্ধ কৰি দিছে। ৰাছিয়াই কয় যে ইজৰাইলৰ শান্তিৰ বাবে পেলেষ্টাইনী ৰাষ্ট্ৰ গঠন কৰাটোৱেই হৈছে “সৰ্বাধিক নিৰ্ভৰযোগ্য” সমাধান আৰু কেৱল সন্ত্ৰাসবাদৰ বিৰুদ্ধে যুঁজ দিলেই নিৰাপত্তা নিশ্চিত নহ’য়। মধ্যপ্ৰাচ্যত শান্তি আৰু কূটনৈতিক অগ্ৰগতিৰ আশাৰ বিৰল আন্তঃশাসনৰ হঠাৎ আৰু ৰক্তাক্ত ছিন্নভিন্নতাই ইতিমধ্যে ইজৰাইল, আমেৰিকা, আৰব বিশ্বৰ লগতে সমগ্ৰ বিশ্বৰেই হিচাপ নিকাচ খেলিমেলি কৰি তুলিছে।পেলেষ্টাইনৰ কাৰ্য্যক তীব্ৰ সমৰ্থন কৰা তুৰ্কীৰ ৰাষ্ট্ৰপতি  টায়িব এৰদোগানে দুয়োপক্ষক “শান্তি” বৰ্তাই ৰাখিবৰ বাবে আহ্বান জনায়।আন্তৰাষ্ট্ৰীয় সংবাদ প্ৰতিষ্ঠান চি -এন- এন ৰ প্ৰতিবেদন মতে “ ইজৰাইলৰ ওপৰত হামাছৰ আক্ৰমণৰ দৰে বিপৰ্যয়জনক পৰিঘটনাই গভীৰ ৰাজনৈতিক জোকাৰণি আৰু কৌশলগত পৰিৱৰ্তনৰ সূচনা কৰে যিটো সেই সময়ত কোনেও ভৱিষ্যদ্বাণী কৰিব পৰা নাছিল।ৰাজনীতি আৰু আন্তঃৰাষ্ট্ৰীয় সম্পৰ্কত সকলো সংযুক্ত হৈ থাকে আৰু যিকোনো কাৰ্য্যই প্ৰতিক্ৰিয়াৰ সূচনা কৰে। গতিকে ইজৰাইল আৰু গাজাৰ যুদ্ধই মধ্যপ্ৰাচ্যৰ এটা অভিশপ্ত চুকতকৈ বহু বেছি ব্যাপকভাৱে সমগ্ৰ বিশ্বতে অনুৰণন ঘটাব …”