অসম চাহৰ দুশ বছৰ সম্পূৰ্ণ হোৱাৰ উপলক্ষে গুৱাহাটীত সম্পন্ন হ’ল দুদিনীয়া দ্বি-শতবৰ্ষ সন্মিলন

নিউজডেক্স, ৩০ জানুৱাৰী : যোৱা ২৯ জানুৱাৰীৰ পৰা দুশ বছৰ  সম্পূৰ্ণ কৰা অসম চাহৰ দুদিনীয়া দ্বি-শতিবাৰ্ষিকী অসম চাহ আন্তৰ্জাতিক সন্মিলন গুৱাহাটীত অনুষ্ঠিত কৰা হয়৷ ( the Bi-Centenary Assam Tea International Conference)  BATIC2024 নামেৰে জনাজাত এই সন্মিলনখন আয়োজন কৰাৰ মূল লক্ষ্য আছিল চাহৰ ওপৰত জ্ঞানৰ বিনিময় উপৰিও ভাৰতীয় আৰু বিশ্বৰ চাহ উদ্যোগৰ অংশীদাৰসকলৰ মাজত তথ্য বিনিময়ৰ বাবে এক মঞ্চ প্ৰদান কৰা।৩০ জানুৱাৰীত সন্মিলনৰ শেষৰ দিনা বিভিন্ন বিষয়বস্তুৰ ওপৰত আলোকপাত কৰি কেইখনো আলোচনা চক্ৰ অনুষ্ঠিত কৰা হয়, য’ত বিশ্বৰ ২৫খন দেশৰ  প্ৰতিনিধিয়ে অংশগ্ৰহণ কৰে।চাহ উদ্যোগৰ ক্ৰেতা আৰু বিক্ৰেতাক নেটৱৰ্কিং, নিলাম, আৰু প্ৰদৰ্শনীৰ বাবে একত্ৰিত কৰি BATIC এ এটা গুৰুত্বপূৰ্ণ মঞ্চ হিচাপে কাম কৰে৷ইয়াৰ উপৰিও ই চাহ খণ্ডৰ ভিতৰত বিশ্বব্যাপী সহযোগীতাক লালন-পালন কৰে আনহাতে চাহৰ ওপৰত আন্তৰাষ্ট্ৰীয় গোট— এফ এ অ’ আই জি জিয়ে চাহৰ উৎপাদন, ব্যৱহাৰ, বাণিজ্য, আৰু মূল্যৰ ধাৰাসমূহৰ ওপৰত আন্তঃচৰকাৰী পৰামৰ্শ আৰু বিনিময়ৰ মঞ্চ হিচাপে কাম কৰাত গুৰুত্বপূৰ্ণ ভূমিকা পালন কৰি আহিছে,ই নিয়মিতভাৱে বিশ্ব বজাৰৰ পৰিস্থিতি আৰু দ্যুতি মূল্যায়ন কৰি চাহৰ বাবে নিৰ্দিষ্ট দৃষ্টিভংগী, চাহ উৎপাদনকাৰী আৰু চাহৰ উপভোক্তা দেশসমূহৰ লগতে চাহ উদ্যোগৰ অন্যান্য অংশীদাৰসকলৰ মাজত আলোচনাৰ সুবিধা প্ৰদান কৰি  চাহৰ যোগান শৃংখল আৰু ব্যৱহাৰৰ ধাৰা সম্পৰ্কীয় বিষয়সমূহো সমাধান কৰা তথা সমৰ্থন কৰিবলৈ অন্তৰ্দৃষ্টি আৰু পৰামৰ্শ প্ৰদান কৰাৰ লক্ষ্যৰে বিশ্ব চাহ উদ্যোগৰ বহনক্ষম উন্নয়নৰ ওপৰত গুৰুত্ব দিয়ে৷গুৱাহাটী চাহ নিলাম ক্ৰেতা সন্থাৰ সম্পাদক দীনেশ বিহানীয়ে সংবাদ মাধ্যমক জনোৱা মতে, “আজিৰ বৈঠকত জলবায়ু পৰিৱৰ্তন আৰু কাৰ্বন, কৃষি আৰু চাহ সম্পৰ্কে ফলপ্ৰসূ আলোচনা অনুষ্ঠিত হয়। জলবায়ু পৰিৱৰ্তনে চাহ বাগিচাসমূহক প্ৰভাৱিত কৰিছে” বুলি তেওঁ উল্লেখ কৰে৷ভাৰতীয় চাহ সন্থাৰ অধ্যক্ষ অতুল আস্থানাই কয় যে অসম চাহৰ ২০০ বছৰ উদযাপনৰ বাবে এনে আন্তঃৰাষ্ট্ৰীয় সন্মিলনৰ আয়োজন কৰাটো এটা ভাল পদক্ষেপ।“আজি চাহ উদ্যোগৰ সকলো অংশীদাৰ ইয়াত উপস্থিত আছে। কেৱল ভাৰতেই নহয়, আন দেশৰ প্ৰতিনিধিয়েও অংশগ্ৰহণ কৰিছে।” বুলি অতুল আস্থানাই সংবাদ মাধ্যমক জনায়৷সন্মিলনত ভাষণ দি  মন্ত্ৰী বিমল বৰাই  অসম চাহৰ দ্বিশতিকা  উদযাপনৰ সময়ত অসমত চাহ উদ্যোগ প্ৰতিষ্ঠাৰ প্ৰাৰম্ভিক অৱস্থাত বহুকেইজন সমসাময়িক ব্যক্তিয়ে আগবঢ়োৱা অমূল্য অৱদান তথা তেওঁলোকৰ কষ্টকৰ সংগ্ৰামক স্বীকাৰ কৰাৰ লগতে চাহ উদ্যোগৰ সৰ্বোচ্চ গুৰুত্ব আৰু অসমৰ আৰ্থ-সামাজিক দিশত চাহক্ষেত্ৰৰ অৱদানৰ ওপৰতো গুৰুত্ব আৰোপ কৰি বৃহৎ আৰু ক্ষুদ্ৰ চাহ খেতিয়ক তথা  শ্ৰমিক উভয়ৰে জীৱিকা প্ৰদানৰ ক্ষেত্ৰত উদ্যোগটোৱে লোৱা গুৰুত্বপূৰ্ণ ভূমিকাৰ ওপৰতো আলোকপাত কৰে,৷ বহনক্ষম কৃষি আৰু উৎপাদন পদ্ধতিসমূহ আকোৱালি লোৱা, অত্যাধুনিক প্ৰযুক্তিৰ সংহতি, আৰু বহনক্ষম সম্প্ৰসাৰণ তথা স্কেলেবিলিটিৰ বাবে এক কৌশলগত ৰোডমেপ উদ্ভাৱনৰ জটিল প্ৰয়োজনীয়তাৰ ওপৰত গুৰুত্ব দিয়াৰ লগতে  মন্ত্ৰীগৰাকীয়ে  গতিশীল আৰু প্ৰতিযোগিতামূলক বিশ্ব বজাৰত ফলপ্ৰসূভাৱে প্ৰতিযোগিতাত অংশগ্ৰহণ কৰিবলৈ সমগ্ৰ উৎপাদন, পেকেজিং, আৰু বিতৰণ শৃংখলৰ মূল্য বৃদ্ধিৰ তাৎপৰ্যৰ ওপৰত আলোকপাত কৰে।