আগন্তুক লোক সভা নিৰ্বাচন, সন্দৰ্ভত নাগালেণ্ডৰ লংলেং জিলাৰ জিলা প্ৰশাসন আৰু শিৱসাগৰ জিলাৰ জিলা প্ৰশাসনৰ বৈঠক

নিউজডেক্স,২১ ফেব্ৰুৱাৰী,২০২৪: আগন্তুক লোক সভা নিৰ্বাচন, সন্দৰ্ভত আজি নাজিৰা মহকুমা অন্তৰ্গত শিঙিবিল বি.অ.পি’ত নাগালেণ্ডৰ লংলেং জিলাৰ জিলা প্ৰশাসন আৰু শিৱসাগৰ জিলাৰ জিলা প্ৰশাসনৰ এক বৈঠক অনুষ্ঠিত হয়। উক্ত বৈঠকত আগন্তুক লোক সভা নিৰ্বাচন দুইখন ৰাজ্যত যাতে শান্তিপূৰ্ণভাৱে  নিয়াৰিকৈ অনুষ্ঠিত কৰিব পাৰি সেই সন্দৰ্ভত আলোচনা কৰা হয় । শিৱসাগৰ জিলাৰ জিলা আয়ুক্ত আদিত্য বিক্ৰম যাদৱ, আৰক্ষী অধীক্ষক শুভ্ৰজ্যোতি বৰা, অতিৰিক্ত জিলা আয়ুক্ত জাভেদ অৰ্মান , নাজিৰা মহকুমাৰ মহকুমাধিপাতি আয়ুষী জৈন, নাজিৰা নিৰ্বাচনী বিষয়া গায়ত্ৰী পাতিৰ, নাজিৰা ৰাজহ চক্ৰৰ চক্ৰ বিষয়া জাহ্নৱী গোস্বামী, সহকাৰী আয়ুক্ত কল্যাণ জ্যোতি হাজৰিকা, নাজিৰা মহকুমাৰ আৰক্ষী বিষয়া তপন চন্দ্ৰ কলিতা, গেলেকী আৰক্ষী চকীৰ ভাৰপ্ৰাপ্ত আৰক্ষী বিষয়া অভিজিৎ কোঁৱৰ আৰু লংলেং জিলাৰ জিলা আয়ুক্ত ধৰম ৰাজৰ লগতে লংলেং জিলা প্ৰশাসনৰ বিভিন্ন বিভাগৰ বিষয়া সকল উক্ত বৈঠকত উপস্থিত থাকে।