নাজিৰাত নিৰ্বাচনী প্ৰচাৰত ব্যস্ত গৌৰৱ গগৈ

নিউজডেক্স,২৩ মাৰ্চ,২০২৪ : আজি দিনযোৰা কাৰ্যসূচীৰে নাজিৰা সমষ্টিৰ বিভিন্ন প্ৰান্তত নিৰ্বাচনী প্ৰচাৰ চলাই  গৌৰৱ গগৈয়ে।  নাজিৰা সমষ্টিৰ বিধায়ক দেৱব্ৰত শইকীয়া আৰু  কংগ্ৰেছ কৰ্মী সকলৰ সহযোগত নাজিৰাৰ বিভিন্ন অঞ্চল পৰিভ্ৰমণ কৰি যোৰহাট লোকসভা সমষ্টিৰ কংগ্ৰেছ দলৰ প্ৰাৰ্থী গৌৰৱ গগৈয়ে ৰাইজৰ লগত  বিভিন্ন সমস্যা সন্দৰ্ভত বাৰ্তালাপ কৰা পৰিলক্ষিত হয়৷। এই নিৰ্বাচনী প্ৰচাৰ  অভিযানত গৌৰৱ গগৈয়ে ৰাইজৰ বিপুল সঁহাৰি লাভ কৰা দেখা যায়৷ বিজেপি নেতৃত্বাধীন  কেন্দ্ৰ আৰু ৰাজ্য চৰকাৰক সমলোচনা কৰি গৌৰৱ গগৈয়ে কয় যে ডাবল ইঞ্জিনৰ চৰকাৰখন মনোযোগ ব্যৱস্থাপনা আৰু ইভেণ্ট মেনেজমেণ্টতে ব্যস্ত। অসমৰ ৰাইজে জানিব বিচাৰে কেতিয়া জনতাই ভাল ৰাস্তা পাব? চাহ বাগিচাৰ শ্ৰমিকে কেতিয়া পাব উচিত মজুৰি? চৰকাৰী বিদ্যালয়ত গুণগত শিক্ষা কেতিয়া বাস্তৱত পৰিণত হ’ব? কেতিয়া নিয়ন্ত্ৰণলৈ আহিব মুদ্ৰাস্ফীতি?এইবোৰ সমস্যাৰ কোনো উত্তৰ নাই চৰকাৰৰ হাতত।ক্ষমতাত থকাসকলে ৰাজহুৱা কামত অংশগ্ৰহণ কৰা লোকসকলক ভয় খুৱাবলৈ কোনো সুযোগ এৰি দিয়া নাই। কিন্তু, মানুহে ভালকৈ জানে আৰু ৰাইজ পৰিৱৰ্তনৰ বাবে আগ্ৰহী। ৰাইজৰ আমাৰ ওপৰত পূৰ্ণ আস্থা- বিশ্বাস আছে বুলি কয় গৌৰৱ গগৈয়ে৷