নাজিৰা মহাবিদ্যালয়ৰ চৌহদত শিক্ষাবিদ অৱনী বৰঠাকুৰৰ প্ৰতিমূৰ্ত্তি উন্মোচন

নিউজডেক্স, ৩ এপ্ৰিল,২০২৪ :  ১৯৮১ চনৰ ১৬ ডিচেম্বৰত প্ৰতিষ্ঠা হোৱা নাজিৰা মহাবিদ্যালয়ৰ প্ৰাণ প্ৰতিষ্ঠাতা প্ৰাক্তন অধ্যক্ষ ,বিশিষ্ট চিন্তাবিদ অৱনী বৰঠাকুৰক সন্মান আৰু কৃতজ্ঞতা জ্ঞাপনৰ বাবে মহাবিদ্যালয় খনৰ চৌহদত নিৰ্মাণ কৰা তেখেতৰ পূৰ্ণাংগ প্ৰতিমূৰ্ত্তিৰ আজি পুৱা ১১-৩০ বজাত শুভ উন্মোচন কৰে সাহিত্য একাডেমিৰ বঁটা প্ৰাপক বিশিষ্ট কবি,সাহিত্যিক হৰেকৃষ্ণ ডেকাই৷ এই উপলক্ষে নাজিৰা মহাবিদ্যালয়ৰ পেক্ষাগৃহত  মহাবিদ্যালয় খনৰ প্ৰাক্তন অধ্যক্ষ চৈয়দ মুবিদুল ইছলামৰ সভাপতিত্বত অনুষ্টিত হোৱা উন্মোচনী সভাত বিশিষ্ট অতিথি ৰূপে উপস্থিত থাকে বিশিষ্ট সাংবাদিক,লেখক হাইদৰ হুছেইন ৷ শিক্ষাবিদ প্ৰভাত বৰঠাকুৰ, শিৱসাগৰ জিলা সাহিত্য সভাৰ প্ৰাক্তন সভাপতি যোগ গগৈ, যুৱনেতা কনক গগৈকে ধৰি ভালেসংখ্যক লোকৰ উপস্থিতিত অনুষ্টিত হোৱা এই সভাৰ উদ্দেশ্য ব্যাখ্যা কৰে অধ্যাপক জীতেন ফুকনে৷