কেন্দ্ৰীয় মন্ত্ৰী কিৰেণ ৰিজিজুৰ মন্তব্যৰ তীব্ৰ বিৰোধীতা চি পি আই ৰ ৰাজ্যিক সম্পাদক কনক গগৈৰ

নিউজডেক্স,২৩এপ্ৰিল,২০২৪ :  চাকমা আৰু হাজং জনগোষ্ঠীক কোনো কাৰণতেই অৰুণাচলত নাগৰিকত্ব দিয়া নহয় আৰু “কা  ” আইন প্ৰৱৰ্তন হলেও ইনাৰ লাইন পাৰ্মিট বৰ্তি থকাৰ বাবে এওঁলোকে অৰুণাচলত নাগৰিকত্ব নাপায় কিন্ত এই ৫/৬ লাখ চাকমা বা হাজং জনগোষ্ঠীৰ মানুহক অসমত নাগৰিকত্ব প্ৰদান কৰিবৰ বাবে কিৰেণ ৰিজিজুৱে দেশৰ গৃহমন্ত্ৰী অমিত শ্বাহৰ লগতে অসমৰ মুখ্যমন্ত্ৰী হিমন্ত বিশ্ব শৰ্মাৰ লগতো আলোচনা কৰিছে বুলি কোৱা কথাৰ তীব্ৰ বিৰোধিতা কৰি চি পি আই দলৰ ৰাজ্যিক সম্পাদক কনক গগৈয়ে এক আছুতীয়া সাক্ষাৎকাৰত আমাক কয় যে এই কাৰ্য্যক ৰাজ্যৰ সকলো লোকেই বিৰোধিতা কৰিব লাগে৷এই লোকসকলক হয়তো কা আইনৰ জৰিয়তে অসমত সংস্থাপিত কৰিব পাৰে গতিকে এইক্ষেত্ৰত অসমৰ মুখ্যমন্ত্ৰীয়ে নিজৰ স্থিতি স্পষ্ট কৰিব লাগে৷