নাজিৰাত অব্যাহত আছে অংগনবাড়ী কৰ্মী – সহায়িকাৰ প্ৰতিবাদ :সঞ্চালকালয়ৰ প্ৰস্তাৱ মতে মাননিৰ সলনি মজুৰি বৃদ্ধি কাৰ্যকৰী কৰাৰ দাবী

দিলীপ হাজৰিকা, নাজিৰা, ২১ফ্ৰেব্ৰুৱাৰী,২০২৪: যোৱা ১৫ ফেব্ৰুৱাৰীৰ পৰা সদৌ অসম অংগনবাড়ী কৰ্মী – সহায়িকা সন্থাৰ আহ্বান মৰ্মে নাজিৰা প্ৰকল্প সমিতিয়েও নাজিৰা মহকুমা প্ৰশাসনৰ কাৰ্যালয়ৰ সন্মূখত ধৰ্ণা – প্ৰতিবাদেৰে অসহযোগ কাৰ্যসূচী অব্যাহত ৰাখিছে । আজি এসপ্তাহে ৰাজ্যৰ অংগনবাড়ী কৰ্মী – সহায়িকা সকলৰ এই প্ৰতিবাদী  কাৰ্যসূচীৰ পিছতো চৰকাৰী পক্ষৰ কোনো সঁহাৰি নোপোৱাত প্ৰতিবাদী কাৰ্যসূচী অধিক তীব্ৰতৰ কৰাৰ হুংকাৰ দিয়াৰ  লগতে আগন্তুক সকলো নিৰ্বাচনত ভোট দান বৰ্জন কৰিব বুলি কয়  প্ৰতিবাদকাৰী অংগনবাড়ী কৰ্মী – সহায়িকা সকলে । সঞ্চালকালয়ৰ প্ৰস্তাৱ মতে মাননিৰ পৰিৱৰ্তে মজুৰি বৃদ্ধি কাৰ্যকৰী কৰা , মিনি অংগনবাড়ী কেন্দ্ৰ সমূহ পূৰ্ণাংগ কৰা , সহায়িকা সকলৰ বয়সৰ মাত্ৰা উঠাই দিয়া , বয়স আৰু শিক্ষাগত অৰ্হতাৰ ভিত্তিত মুখ্য সহায়িকা পদলৈ পদ্যোন্নতি দিয়া আদিৰ দাবীত অব্যাহত ৰখা এই প্ৰতিবাদী কাৰ্যসূচীত “ বি জে পি নেৰ্তৃত্বাধীন চৰকাৰ গ’বেক , নৰেন্দ্ৰ মোডী মূৰ্দাবাদ,হিমন্ত বিশ্ব শৰ্মা হায় হায়,  অংগনবাড়ী কৰ্মী – সহায়িকাৰ মাননিৰ সলনি মজুৰি বৃদ্ধি কাৰ্যকৰী কৰক” আদি ধৰ্ণাৰে পৰিবেশ উত্তাল কৰি তোলে