আজি নাজিৰাত অনুষ্ঠিত হোৱা অসম গণ পৰিষদৰ বুথ সন্মিলনত বহু শতাধিক লোকৰ যোগদান৷

নিউজডেক্স, ৩১ মাৰ্চ ,২০২৪ : শাসনাধিষ্ঠিত বি জে পি মিত্ৰযোঁটৰ অংশীদাৰ দল অসম গণ পৰিষদৰ নাজিৰা বিধানসভা সমষ্টিৰ এক বুথ সন্মিলন নাজিৰাৰ এম চি ক্লাৱত আজি পুৱা ১১ বজাৰ পৰা দিনযোৰা কাৰ্যসুচীৰে অনুষ্ঠিত হয় ৷ সহস্ৰাধিক লোকে অংশগ্ৰহণ কৰা উক্ত সন্মিলনত  বিধায়কদ্বয় প্ৰদীপ হাজৰিকা আৰু ভৱেন্দ্ৰনাথ ভৰালী,দলৰ উপ সভাপতিদ্বয় তুলসী গগৈ, বলো কুৰ্মী, সাধাৰণ সম্পাদক নুৰুল চুলতান,জিলা সম্পাদক নিত্যা কলিতা, চৰাইদেউ জিলাৰ সভাপতি নাৰায়ণ লাহন,মহিলা পৰিষদৰ কেন্দ্ৰীয় সদস্যা কুঞ্জ গগৈ,অসম গণ পৰিষদৰ নাজিৰা বিধানসভা সমষ্টিৰ সভাপতি মৃদুল মহন্ত,যুৱ পৰিষদৰ কেন্দ্ৰীয় সাধাৰণ সম্পাদক সুদৰ্শন হাজৰিকা,যুৱ পৰিষদৰ নাজিৰা বিধানসভা সমষ্টিৰ সভাপতি পংকজ মহন্ত,মহিলা পৰিষদৰ নাজিৰাৰ সভাপতি অমিয়া গগৈকে ধৰি দলৰ বহু বিষয়ববীয়া উপস্থিত থাকে৷ উক্ত সভাত যোৰহাট লোকসভা সমষ্টিৰ মিত্ৰজোঁটৰ প্ৰাৰ্থী তপন কুমাৰ গগৈক জয়যুক্ত কৰাবৰ অ গ পৰ ফালৰ পৰা সকলোকে আহ্বান জনোৱা হয়৷ আনহাতে উক্ত সভাতেই সমষ্টিটোৰ কেইবা শতাধিক  লোকে অসম গণ পৰিষদ দলত  যোগদান কৰে৷