বাংগালোৰত অনুষ্ঠিত হ’ল ৭৫ সংখ্যক সেনা দিৱস

নিউজ ডেক্স,১৫ জানুৱাৰী,২০২৩ : আজি বাংগালোৰস্থ গোবিন্দস্বামী পেৰেড গ্ৰাউণ্ডত সেনা দিৱসৰ কাৰ্যসূচী আৰম্ভ হয়। অনুষ্ঠানটোত সেনা প্ৰধান জেনেৰেল মনোজ পাণ্ডেৰ লগতে বহু উচ্চ পদস্থ বিষয়া উপস্থিত আছিল। এইবাৰ সেনা দিৱসৰ বিষয়বস্তু হৈছে ‘ৰক্তদান কৰক – জীৱন ৰক্ষা কৰক’। উল্লেখ্য যে প্ৰথমবাৰৰ বাবে দিল্লীৰ বাহিৰত সেনা দিৱস উদযাপন কৰা হয়৷ প্ৰধানমন্ত্ৰী নৰেন্দ্ৰ মোদীয়ে ৭৫ সংখ্যক সেনা দিৱস উপলক্ষে সেনা জোৱান, প্ৰাক্তন সৈনিক আৰু তেওঁলোকৰ পৰিয়ালক শুভেচ্ছা জনাইছে। প্ৰধানমন্ত্ৰীয়ে কয় যে প্ৰতিজন ভাৰতীয়ই সেনাবাহিনীক লৈ গৌৰৱান্বিত। আমি আমাৰ সৈনিকসকলৰ প্ৰতি সদায় কৃতজ্ঞ হৈ থাকিম। সৈন্যসকলে সদায় দেশখন সুৰক্ষিত ৰাখিছে।