নাজিৰাৰ লক্ষ্মীজান ৰজাভেটাত অবৈধ শিল খনন কাৰ্য্য শীঘ্ৰে বন্ধ কৰাৰ লগতে ভূমি পট্টনৰ দাবীত আদিবাসী ছাত্ৰ সন্থাৰ প্ৰতিবাদী কাৰ্য্যসূচী

নিউজ ডেক্স, ১৮ জানুৱাৰী ২০২৩ : নাজিৰা লক্ষ্মীজানৰ ৰজাভেটাত সঘনে হৈ থকা অবৈধ শিল খনন কাৰ্য্যৰ তীব্ৰ বিৰুধিতা কৰি আজি আদিবাসী ছাত্ৰ-সন্ত্ৰা নাজিৰা আঞ্চলিক সমিতিৰ উদ্যোগত আৰু বিহুবৰ বাহবাৰী ৰাইজৰ সহযোগত অৱস্থান ধৰ্মঘট কাৰ্য্যসূচী ৰূপায়ণ কৰা  হয়। প্ৰতিবাকাৰী সকলে   লক্ষ্মীজান ৰজাভেটাৰ অবৈধ শিল খনন বন্ধ কৰাৰ লগতে দখলীকৃত ভূমিত পট্টা প্ৰদানৰ দাবীত প্লে কাৰ্ট হাতত লৈ ৩ ঘণ্টীয়া অৱস্থান ধৰ্মঘট কাৰ্য্যসূচী ৰূপায়ন কৰে। অভিযোগ অনুসৰি জানুৱাৰি মাহৰ ৪  তাৰিখৰ পৰাই এই লক্ষ্মীজানৰ ৰজাভেটা  স্থানত অবৈধ শিল খনন কাৰ্য্য চলি আহিছে, কিন্তু তাৎপৰ্য্যপূৰ্ণ বিষয় যে দিনে ৰাতিয়ে খনন কাৰ্য্য হৈ থকাৰ অভিযোগ পোৱাৰ পিছতো কিন্তু কুম্ভকৰ্ণ নিদ্ৰাত স্থানীয় মহকমু তথা জিলা প্ৰশাসন। ৰাইজৰ অভিযোগ অনুসৰি বৃহৎতৰ বিহুবৰ অঞ্চলত স্থানীয় ৰাইজৰ ভোগ দখলত থকা মাটিত খনন কাৰ্য্য  চলাই থকা হৈছে যদিও  আজিলৈকে ৰাইজে লাভ কৰা নাই ক্ষতিপূৰণ।