ডিব্ৰুগড়ত আজি অনুষ্ঠিত হোৱা ৰাজ্যিক কেবিনেটৰ গুৰুত্বপূৰ্ণ সিদ্ধান্ত : ডিব্ৰুগড়ত   নিৰ্মাণ কৰা  হ’ব মুখ্যমন্ত্ৰীৰ কাৰ্যালয়

নিউজ ডেস্ক,৩০ জানুৱাৰী,২০২৩ :  আজি ডিব্ৰুগড়ত মুখ্যমন্ত্ৰী হিমন্ত বিশ্ব শৰ্মাৰ নেতৃত্বত অনুষ্ঠিত হোৱা ৰাজ্য চৰকাৰৰ কেবিনেট বৈঠকত বহুকেইটা গুৰুত্বপূৰ্ণ সিদ্ধান্ত গ্ৰহণ কৰা হয়। কেবিনেট বৈঠকৰ পিছতেই মুখ্যমন্ত্ৰী গৰাকীয়ে সংবাদ মেল সম্বোধন কৰি ঘোষণা কৰে যে, ডিব্ৰুগড়ত ৰাজ্যখনৰ দ্বিতীয়টো মুখ্যমন্ত্ৰী কাৰ্যালয় নিৰ্মাণ হোৱাৰ লগতে তেজপুৰত নতুনকৈ ৰাজভৱন স্থাপন কৰা হ’ব আৰু  অসমৰ  জিলা নিয়োগ বিনিময় কেন্দ্ৰৰ কাৰ্যালয় সমূহ জিলা যুৱ কল্যাণ কেন্দ্ৰলৈ সলনি কৰা সিদ্ধান্ত কেবিনেটে গ্ৰহণ কৰে  বুলি মুখ্যমন্ত্ৰীয়ে জনোৱাৰ  উপৰিও  ডিব্ৰুগড় পুলিচ ৰিজাৰ্ভত থকা খেলপথাৰখন ৰাজ্যিক পুলিচ ক্ৰীড়া কেন্দ্ৰলৈ উন্নীতকৰণ কৰা হ’ব বুলি তেখেতে অৱগত কৰে ।