উত্তৰ পূব ভাৰতৰ এমাৰতে শ্বৰীয়ত আৰু নদৱাতুত তামীৰৰ অধীনত শিৱসাগৰ জিলা ভিত্তিত ছৱাহী মুক্তৱৰ ২০২৩ বৰ্ষৰ চূড়ান্ত পৰীক্ষা অনুষ্ঠিত

নিউজ ডেক্স, ৫ ফ্ৰেব্ৰুৱাৰী , ২০২৩ : নাজিৰাৰ মদিনাতুল উলুম উচ্চ মাধ্যমিক বিদ্যালয়ত আজি পুৱা ৯ বজাৰ পৰা অনুষ্ঠিত হৈছে ছৱাহী মুক্তৱৰ ২০২৩ বৰ্ষৰ চূড়ান্ত পৰীক্ষা। প্ৰায় ৫৩ জন ছাত্ৰ-ছাত্ৰীৰ উপস্থিতিত আয়োজিত পৰীক্ষাটিৰ জৰিয়তে ছৱাহী মুক্তাৱৰ প্ৰকৃত শিক্ষা দিবলৈ চেষ্টা কৰাৰ লগতে মুছলমান সমাজৰ ছাত্ৰ-ছাত্ৰী সকলে ভৱিষ্যতৰ দিনত নিজকে সমাজত এজন সু-নাগৰিক হিচাপে প্ৰতিষ্ঠিত কৰিবলৈ আৰু এজন প্ৰকৃত ভাৰতীয় হিচাপে থাকিবলৈ শিক্ষা প্ৰদান কৰা হৈছে। সমাজত দেখা দিয়া বিভিন্ন সমস্যা যেনে ড্ৰাগছ, মাদক দ্ৰৱ্যৰ লগতে নিচাজাতীয় সামগ্ৰীৰ  অপকাৰিতাৰ পৰা নিজকে ছাত্ৰ-ছাত্ৰী সকলে কেনেকৈ এৰাই চলি এখন সুস্থ সমাজ গঢ়াত অৱদান আগবঢ়াব ইত্যাদি কিছুমান দিশৰ ওপৰত আলোকপাত কৰি এই পৰীক্ষাটি অনুষ্ঠিত কৰা হয়। বিগত দুটাকৈ বছৰত কভিড সৃষ্ট পৰিৱেশে ত্ৰাসৰ সৃষ্টি কৰাৰ পৰা পৰীক্ষা সমূহ যদিও অনুষ্ঠিত কৰিব পৰা নগৈছিল কিন্তু বৰ্তমানৰ সুস্থ পৰিৱেশ ঘুৰি অহাত এই পৰীক্ষাটি সুন্দৰকৈ অনুষ্ঠিত হৈ যায়।