নাজিৰাত অসম চাহ জনগোষ্ঠী জাতীয় মহাসভাৰ নৱনিৰ্বাচিত শিৱসাগৰ জিলা সমিতিৰ শপত গ্ৰহণ আৰু সম্বৰ্ধনা অনুষ্ঠান

নিউজ ডেক্স, ৩০ এপ্ৰিল,২০২৩ :অসম চাহ জনগোষ্ঠী সাহিত্য সভা শিৱসাগৰ জিলাৰ নৱ নিৰ্বাচিত  সমিতিৰ শপত গ্ৰহণ অনুষ্ঠানৰ সমান্তৰালকৈ চাহ জনগোষ্ঠী সমাজৰ  কেইবাগৰাকী গণ্য-মান্য ব্যক্তিৰ সম্বদ্ধনা অনুষ্ঠান আজি নাজিৰাৰ চণ্টক চাহ বাগিচাত অনুষ্ঠিত হয়  ।   পুৱাৰ ভাগতে বৃক্ষ ৰোপন, পাতাকা উত্তোলন, সাংস্কৃতিক শুভাযাত্ৰা আদিকে ধৰি কেইবাটাও বৰ্ণাধ্য কাৰ্য্যসূচী ৰূপায়ন কৰা হয়।  বাৰেৰহনীয়া সাংস্কৃতিক শোভাযাত্ৰাত প্ৰায় তিনিসহস্ৰাধিক লোকৰ সমাৱেশৰ পাছত অনুষ্ঠিত ৰাজহুৱা সভাত চাহ জন-গোষ্ঠী সকলক শৈক্ষিক, সামাজিক আদিৰ দিশত আগবঢ়াই নিয়াৰ লগতে অন্ধ বিশ্বাস, কুসংস্কাৰ মুক্ত সমাজ এখন গঢ়াৰ সম্পৰ্কত আলোচনা কৰাৰ উপৰিও চাহ জনগোষ্ঠীয় সমাজক বিভিন্ন দিশত সজাগ- সচেতন আৰু সবল কৰাৰ সন্দৰ্ভত আলোচনা কৰা হয়। আলোচনা চক্ৰত কেন্দ্ৰীয় সমিতিৰ সাধাৰন সম্পাদক অৰুণ কাৱৰ, শিৱসাগৰ জিলাৰ সত্ৰ মহা সভাৱ নৱনিৰ্বাচিত সভাপতি পহ্লাদ গোৱালা,  সম্পাদক বলোৰাম কুৰ্মী, চাহ জনগোষ্ঠী মৰ্চাৰ  চেয়াৰমেন শিৱ ভদ্ৰা, গড়গাও মহাবিদ্যালয়ৰ অধ্যাপক অনিল তাঁতী কে আদি কৰি বহুজন গণ্য মান্য ব্যক্তি উপস্থিত থাকে।